الأسئلة الشائعة من المرضى
1-لو طفله مولوده بلين الحنجرة هل هيختفي لوحده ولا يحتاج تدخل ؟
الاجابه: على حسب شدة ودرجة لين الحنجرة ودا بيكون واضح بناءا على فحص الحنجرة ف على اساس شده لين الحنجرة بنحدد هيروح لوحده او هيحتاج تدخل.
2-بمر بدوخه صعبه اعمل ايه؟
الافضل انه نعمل اختبار اتزان عشان نقدر نحدد سبب الدوخه و بالتالى العلاج المناسب ليها ،بنعمل الاختبار عند دكتور سمعيات و اتزان.
3-لو طفل عنده توحد عصبي في مشكله لو عمل عمليه اللحميه؟
الاجابه: بالنسبة للعملية مفيش مشكلة قبل قرار العمليه بنعمل تحاليل نطمن بيها عليه و الطبيبي المعالج الخاص بيه دكتور الأطفال او دكتور المخ والأعصاب بنطلب منه تقرير وإفادة انه لو في توصيات معينة او تعليمات الدكتور عايز ناخد بالنا منها ف التخدير.
4-يكتبها او اعتراض بردو بيعرفنا في الإفادة؟
وكذلك بنعرف دكتور التخدير وهو بيكون مدرس في جامعة المنصورة بردو بنعرض عليه تفاصيل الحاله وبناخد موافقته من خلالنا احنا غير كدا مفيش اي مشكله ان شاء الله.
5-لو شخص مش بيعرف ينام غير وهو قاعد عن وهو نايم على ظهره دا مشكلته ايه او سببه؟
هو طبعا فكرة انها بتنام دايما ع مخده عالية او تنام وهي قاعده أوقات دا بيكون بسبب صعوبة بالنفس و أوقات في السن الكبير دا بيبقى علامة انه قد يكون في لا قدر الله مشكله في القلب. و أوقات الاتنين اوقات الشخير او صعوبة التنفس بتعمل مشاكل ليها علاقه بالقلب.عشان نوصل التشخيص السليم او التعامل المناسب لحالتها محتاجين
اول: حاجة نستبعد اي مشاكل ليها علاقه بالقلب او الضغط.
ثانيا : هنحتاج نكشف عليها بالمركز كأنف وأذن ونشوف مشكله صعوبة التنفس عندها أو الشخيرف حالتها محتاجة رأي دكتور القلب و رأي دكتور أنف وأذن.وان شاء الله نوصل التشخيص المطلوب والعلاج او التدخل المناسب ليها.
6-لو طفل عنده او بيجيله نوبات تشنج حراري في خطوره ازاله اللوز واللحمية او تنصحني نشيلها؟
الاجابه : أوقات إلتهابات اللوز واللحمية ممكن تعمل ارتفاع في درجة الحرارة لدرجة انه يدخل ف التشنج الحراري.و لو الموضوع وصل لهذه المرحلة الأفضل طبعا انه يشيل اللوز واللحمية ولا يوجد خطورة.
طالما بنعمل التحاليل المطلوبة والنتيجة كويسه وبنفس الوقت بناخد إفادة أو تقرير من دكتور الأطفال او المخ والأعصاب المعالج بأي تعليمات او توصيات معينة الدكتور عايزها وإن شاء الله مفيش اي مشكله.
7-عمليه الحاجز الأنفي والغضاريف من اول سن كام ابن او بنتي سنهم كذا ينفع تتعمل ؟
بالنسبه للبنات من اول سن 14 سنه بالنسبه للأولاد من اول سن 16 سنه.مهم ان مقاسات الرجل ثابته بقالها 6 شهور.بحيث يكون نمو العظام بقي ثابت لكن لو مقاس الرجل بيتغير محتاجين ننتظر.
8-لو سمحت أنا عملت عملية ترقيع طبله وبعدها قل السمع فى حل ؟
هو الأفضل لو مع حضرتك اختبار سمع حديث ممكن نشوفه ولكن لو الرقعة سليمة والعمليه ناجحة كترقيع غالبا مش هيبقي في تدخل تاني ف ممكن نضطر نلجأ وقتها للسماعة.
9-الوجع بعد عمليه اللوز بيستمر لحد امته ؟
وبالنسبه لل pca لتخفيف الألم اولا ال PCA بنستخدمه مع اللوز فى الكبار ( ١٨ سنه ). فيما فوق الالم بعد العمليه بيختلف من حاله ل التانيه و مش بيكون بنفس الشده اثناء فتره التعافى. لو فى الاطفال فهو ممكن يكون من ٣ ل ٥ ايام .لو فى الكبار ممكن يوصل ل اسبوعين.
10-هل اعوجاج الحاجز الأنفي ممكن يرجع تاني بعد العمليه ؟
أمر وارد حدوثه ولكن لو الحالة اتعرضت لاصابة لقدر الله بعد العملية .أو الحالة مهتمتش كويس بالتعلميات بعد العملية فأثر على التئام الحاجز الأنفي. أسعار عمليات تجميل الأنف: على حسب كل حالة وتقييم الدكتور لها.
11-ناسور الأذن يحتاج عمليه وممكن يرجع تاني وبيأثر ع الاذن ؟
مش بتأثر على السمع ومش بتأثر على الشكل الخارجى للأذن .و لكن الناسور وارد يرجع مره تانيه بعد العمليه و ده بسبب طبيعة المرض ده يفضل بعد سن ٣ سنوات .و لكن مش كل ناسور بيحتاج تدخل او عمليه .العبره ب معدل تكرار التهاب الناسور ده ، لو التهب اكتر من ٣ مرات ف السنه ف غالبا هيحتاج يتعمل.
12-ابني عمل عملية لوز ولحمية لكن لسه بينام بوقه مفتوح دا طبيعي؟
احتمال تكون حساسية انف او لحميه مرتجعه الافضل نفحصه بالمنظار و نحدد السبب ال بيخليه يتنفس من الفم.
13-لو في تضخم متوسط باللحميه هل نستنى ولا لا ؟
ده على حسب تأثير اللحميه على نفس د اثناء النوم .
يعنى هل الطفله بتتنفس عن طريق الفم معظم الوقت ؟ و لا النفس طبيعى من الانف ؟
لو النفس طبيعى من الانف ، نستنى لو النفس عن طريق الفم معظم الوقت ، يبقى الافضل انها تعملها.
14-انقطاع حاسة الشم من 3شهور؟
ممكن يكون له اسباب كتير مش هنقدر نحددها قبل فحص الانف بالمنظار و بالتالى العلاج المناسب.
15-كسر في الحاجز الأنفي لطفل سنه 8 سنين قافل الجهة الشمال من الانف وبيتنفس بصعوبة ؟!
مضطرين ننتظر ل سن ١٤ سنه عالاقل لان مهم يكون نمو عظام الانف بقى ثابت و احنا بنعمل العملية.
